સુગ: પન્થા અનૃક્ષર આદિત્યાસ ઋતં યતે |    ( ઋગ્ ૧/૪૧/૧૪.)

સત્યમાર્ગ પર ચાલનારાઅઓનું જીવન સરળ બની જાય છે.

કંટકપૂર્ણ માર્ગ જુઠાઓ માટે છે, સત્યપ્રેમીને માટે તો સર્વત્ર સરળતા છે.

શંન: સત્યસ્ય પતયો ભવન્તુ |    ( અથર્વ૧૯/૧૭/૧.)

સત્યવ્રતધારી જ સર્વત્ર સુખ શાંતિ ઉત્પન્ન કરે છે.

પોતે સુખી રહેવું અને બીજાંઓને સુખ આપવું એ કેવળ સત્યમાર્ગ દ્વારા જ સંભવી શકે છે.

દંતે દંહમાજ્યોક્રે સંદશિ જીવ્યાસમ્ |    ( યજુ .)

સત્ય અને ધર્મના માર્ગ પર દ્રઢ રહો.

ભય અને લાલચ ધર્માત્માની દ્રઢતાની કસોટી માટે આવ્યા કરે છે.

ઋતસ્ય શ્લોકો બધિરાતતર્દ કર્ણા |    ( ઋગ્ .)

સત્યનો પોકાર બહેરા કાનોને પણ પહોંચે છે.

જે સચ્ચાઈ છે તેને આજે નહીં તો કાલે લોકો સ્વીકારશે જ.

ત્વં નો મેધે પ્રથમા |    ( અથર્વ. ૬/૧૦૮/૧)

સદ્દબુદ્ધિ જ સંસારમાં સર્વશ્રષ્ઠ વસ્તુ છે.

જેણે પોતાની વિચારધારાને શુધ્ધ બનાવી લીધી છે તેણે બધું જ પ્રાપ્ત કરી લીધું છે.

સત્યં વક્ષ્યામિ નાનૃતમ્ |    ( અથર્વ. ૪/૯/૭)

અસત્ય નહીં, સત્ય જ બોલો,

સત્યના માર્ગ ઉપર ચાલવું એ પરમ શાંતિદાયક રાજમાર્ગ છે.